A Cupido je fis maintz traictz briser
Sans que sur moy il peut avoir puissance,
Et pour me vaincre il se va adviser
De son arc mettre en ton obeissance:
Point ne faillit, & j’en euz congnoissance,
Bien que pour lors fasse sans jugement.
Et toutesfois j’apperçeuz clerement,
Que tes sourcilz estoient d’Amour les arcz.
Car tu nauras mon coeur trop asprement
Par les longz traictz de tes perceanz regardz.
Categorieën
