Maand: juli 2011

Tes doigtz tirantz non le doulx son des cordes, Mais des haultz cieulx l’Angelique harmonie, Tiennent encor en telle symphonie, Et tellement les oreilles concordes, Que paix, & guerre ensemble tu accordes En ce concent, que lors je concevoys:   Car du plaisir, qu’avecques toy j’avoys, Comme le vent se joue avec la flamme, L’esprit divin […]

Desir, souhaict, esperance, & plaisir De tous costez ma franchise agasserent Si vivement, que sans avoir loysir De se deffendre, hors de moy la chasserent: Deslors plus fort l’arbitre ilz pourchasserent, Qui de despit, & d’ire tout flambant Combat encor, ores droit, or tumbant Selon qu’en paix, ou sejour ilz le laissent. Mais du pouvoir […]

Suffise toy, ô Dame, de dorer Par tes vertus nostre bienheureux aage, Sans efforcer le Monde d’adorer Si fervement le sainct de ton image, Qu’il faille a maintz par un commun dommage Mourir au joug de tes grandz cruaultez.   N’as tu horreur, estant de tous costez Environnée & de mortz, & de tombes, De veoir […]

eetbaar (de wortel ook), maar je wordt er winderig van

Quand de ton rond le pur cler se macule, Ta foy tachée alors je me presage: Quand, pallissant, du blanc il se recule, Je me fais lors de pleurs prochaines sage.   Quand il rougit en Martial visage, J’ouvre les ventz a mes souspirs espaiz: Mais je m’asseure a l’heure de ma paix, Quand je te […]

Fait paresseux en ma longue esperance, Avec le Corps l’Esprit est tant remis, Que l’un ne sent sa mortelle souffrance, Et l’aultre moins congnoit ses ennemys. Parquoy je ignore, estant d’espoir demis. Si ce mien vivre est vitupere, ou los, Mais je scay bien, que pour estre forclos De ta mercy, de mon bien tu […]

C’est de pitié que lors tu me desgoustes, Quand travaillant en ce mien penser fraile, Tu vois ma face emperlée de gouttes Se congelantz menues, comme gresle. Car ta froideur avec mon froit se mesle, Qui me rend tout si tristement dolent, Que, nonobstant que mon naturel lent M’argue asses, & me face blasmer, Pour […]

D’autant qu’en moy sa valeur plus augmente, D’autant decroist le remede affoibly: Et bien que soit mon merite anobly Du sainct vouloir, qui si fort me tourmente, L’oeil en larmoye, & le coeur en lamente Comme assaillyz de mortel accident. Pource qu’espoir de leur bien evident, Qui les delaisse en leurs extremitez, Croissant le feu […]

D’un tel conflict en fin ne m’est resté, Que le feu vif de ma lanterne morte, Pour esclairer a mon bien arresté L’obscure nuict de ma peine si forte, Ou plus je souffre, & plus elle m’enhorte A constamment pour si hault bien perir. Perir j’entens, que pour gloire acquerir En son danger je m’asseure […]

Voy ce papier de tous costez noircy, Du mortel dueil de mes justes querelles: Et, comme moy, en ses marges transy, Craingnant tes mains piteusement cruelles.   Voy, que douleurs en moy continuelles Pour te servir croissent journellement, Qui te debvroient, par pitié seulement, A les avoir agreables constraindre, Si le souffrir doibt supplir amplement, Ou […]

Plaindre provient partie du vouloir, Et le souffrir de la raison procede. Aussi ce mien continuel douloir Tous les ennuyz de toutes mortz excede. Car a mon Hydre incontinent succede Un mal soudain a un aultre repris. Et quand je pense ayder au Coeur surpris, Ou en ses maulx je veulx faindre un plaisir, Las […]

Je m’esjouys quand ta face se monstre, Dont la beaulté peult les Cieulx ruyner: Mais quand ton oeil droit au mien se rencontre, Je suis contrainct de ma teste cliner: Et contre terre il me fault incliner, Comme qui veulx d’elle ayde requerir, Et au danger son remede acquerir, Ayant commune en toy compassion. Car […]

En tel suspend ou de non, ou d’ouy, Je veulx soubdain, & plus soubdain je n’ose. L’un me rend triste, & l’aultre resjouy Dependant tout de liberté enclose. Mais si je voy n’y povoir aultre chose, Je recourray a mon aveugle Juge.   Refrenez donc, mes yeulx, vostre deluge: Car ce mien feu, maulgré vous, reluira. […]

Pourquoy reçoy je en moy mille argumentz Dont ma pensée est ja si entestée? Veu qu’ilz me font mille noveaux tourmentz Desquelz mon ame en vain est mal traictée, M’a [=Ma] face aussi de larmes tempestêe Tresvainement me monstre estre a mort tainct. Las ce sainct feu, qui tant au vif m’attainct, Parqui Amour si […]

Mais si Raison par vraye congnoissance Admire en toy Graces du Ciel infuses: Et Graces sont de la Vertu puissance, Nous transformant plus, que mille Meduses: Et la Vertu par reigles non confuses Ne tend sinon a ce juste debvoir, Qui nous contraint, non seulement de veoir, Mais d’adorer toute parfection: Il fauldra donc, que […]

Ouy, & non aux Caestes contendantz Par maintz assaultz alternatifz s’assaillent: Tous deux a fin de leur gloyre tendantz En mon cerveau efforcément travaillent. Et nonobstant, que bien peu, ou rien vaillent Si longz effortz sans rien determiner, Si sens je en moy de peu a peu miner Et la memoyre, & le sens tout […]

Quand pied a pied la Raison je costoye, Et pas a pas j’observe ses sentiers, Elle me tourne en une mesme voye Vers ce, que plus je fuiroys voulentiers. Mais ses effectz en leur oblique entiers Tendent tousjours a celle droicte sente, Qui plusieursfoys du jugement s’absente, Faignant du miel estre le goust amer: Puis […]

Vous, Gantz heureux, fortunée prison De liberté vouluntairement serve, Celez le mal avec la guerison, Comme vostre umbre en soy tousjours conserve Et froit, & chault, selon que se reserve Le libre vueil de necessaire aisance.   Mais tout ainsi, qu’a son obeissance Dedens vous entre, & sort sa blanche main, Je sortiray de l’obscure nuisance, […]

Pour estre l’air tout offusqué de nues Ne provient point du temps caligineux: Et veoir icy tenebres continues N’est procedé d’Automne bruyneux.   Mais pour autant que tes yeulx ruyneux Ont demoly le fort de tous mes aises Comme au Faulxbourg les fumantes fornaises Rendent obscurs les circonvoysins lieux, Le feu ardent de mes si grandz […]

Par ta figure, haultz honneurs de Nature, Tu me feis veoir, mais trop a mon dommage La gravité en ta droicte stature, L’honnesteté en ton humain visage, Le venerable en ton flourissant aage Donnant a tous mille esbahyssementz Avec plaisir: a moy nourrissementz De mes travaulx avec fin larmoyeuse.   Et toutesfoys telz accomplissementz Rendent tousjours […]