Tu celle fus, qui m’obligeas premiere
En un seul corps a mille Creanciers:
Tu celle fus, qui causas la lumiere,
Dont mes souspirs furent les Encenciers.
Mais vous, Souciz, prodigues despenciers
De paix tranquille, & vie accoustumée,
Meites la flambe en mon ame allumée,
Par qui le Coeur souffre si grandz discordz,
Qu’apres le feu estaincte la fumée
Vivra le mal, avoir perdu le Corps.
