Longue silence, ou je m’avainissoys
Hors la memoyre & des Dieux, & des hommes,
Fut le repos, ou je me nourrissoys
Tout deschargé des amoureuses sommes.
Mais, comme advient, quand a souhait nous sommes,
De nostre bien la Fortune envieuse
Trouble ma paix par troys lustres joyeuse,
Renovellant ce mien feu ancien.
Dont du grief mal l’Ame toute playeuse.
Fait resonner le circuyt Plancien.
