Petit object esmeult grande puissance,
Et peu de flamme attrait l’oeil de bien loing
Que fera donc entiere congnoissance,
Dont on ne peult se passer au besoing?
Ainsi Honneur plus tost quicteroit soing,
Plus tost au Temps sa Clepsidre cherroit,
Plus tost le Nom sa trompette lairroit,
Qu’en moy mourust ce bien, donc j’ay envie.
Car, me taisant de toy on me verroit
Oster l’esprit de ma vie a ma vie.
