L’Aigle volant plus loing, qu’oncques ne fit,
Cuydoit r’entrer en son Empire antique:
Passa la Mer, ou asses tost deffit
Un noveau Monstre en pays d’Aphrique:
Puis print son vol droict au Soleil Gallique,
Duquel l’ardeur ne vive, ne mourante,
Mais en son chault moderé demourante,
Et s’attrempant, peu a peu lentement
La transmua en une Austruche errante,
Qui vole bas, & fuit legerement.
Categorieën
