Ay je peu veoir le vermeil de la honte
Ardoir la face a son honnesteté?
Et croire encor, que la pitié luy monte
Sur le plus cher de sa grand’ chasteté?
Meilleur, ô Coeur, m’est d’avoir chaste esté
En si pudique, & hault contentement:
Et abhorrir pour vil contemnement
Le bien, qu’Amour (Amour lassif) conseille.
Car je jouys du sainct advenement
De ce grand Pape abouchant a Marseille.
Categorieën
